Qazaqstan halqy Assambleıasy jylynyń Týy QR Ulttyq mýzeıine qoıyldy (FOTO)

ASTANA. QazAqparat - Astanada Beıbitshilik jáne kelisim saraıynda Qazaqstan halqy Assambleıasy jylynyń Týyn Qazaqstan Respýblıkasy Ulttyq mýzeıine saltanatty tapsyrý rásimi ótti.

Aıta keteıik, QR Prezıdenti N.Á.Nazarbaevtyń bastamasymen 2015 jyl - etnosaralyq jáne konfessııaaralyq kelisimdi saqtaýdyń basty tiregi - Qazaqstan halqy Assambleıasy jyly dep jarııalaǵan bolatyn.

«Bir memleket - bir otbasy» atty baǵdarlamasynyń aıasynda Ulttyq mýzeıde «Qazaqstan halqy Assambleıasynyń zalyn» ashý josparlanyp otyr. Qazirgi ýaqytta úlken uıymdastyrýshylyq jumystar atqarylýda. Biz ol zaldy 1 mamyr - Qazaqstan halqynyń birligi kúni merekesinde ashamyz dep mejelep otyrmyz. Sondyqtan QHA jyly Týy bizdiń zaldyń ekspozıtsııasynda óz ornyn tabady», - deıdi QR Ulttyq mýzeıi dırektorynyń orynbasary Abaı Satybaldın.

Óz kezeginde Astana qalasy QHA hatshylyǵynyń meńgerýshisi Lázzat Qusaıynovanyń atap ótkenindeı, byltyr QHA jyly aıasynda qyrýar jumystar atqarylǵan.

«2015 jyly Astanada QHA jyly «Astana - beıbitshilik pen kelisim qalasy» atty uranmen ótti. Jyl boıy 1 mıllıonǵa jýyq adam 280 respýblıkalyq jáne qala deńgeıinde ótken is-sharaǵa qatysty», - dedi ol.

L.Qusaıynovanyń sózi boıynsha, «QHA 20 jyl - 20 izgi is» estafetasy aıasynda 37 qaıyrymdylyq aktsııasy ótkizilip, oǵan 157 myńnan astam adam qatysqan. Jalpy somasy 18 mln teńge qaıyrymdylyq qarajaty jınaldy.