Qazaqstan halqy Assambleıasy ulttyq dıalog alańyna aınaldy – qyrǵyz jazýshysy
Búgin áýe reısiniń keshigýine baılanysty Túrkitildes memleketter yntymaqtastyq keńesi Bas hatshysynyń orynbasary Sultan Raev konferentsııaǵa qatysa almady. Konferentsııa barysynda áriptesteri onyń quttyqtaý sózin oqyp berdi.
«Jappaı qonys aýdarý, májbúrli ımmıgratsııalar bolǵan Ortalyq Azııa elderi úshin jańa tarıhı kezeńde memleketter men memlekettiliktiń qurylýy basty máselege aınaldy. Keńes Odaǵy ydyraǵannan keıin osy elderdiń táýelsizdikke qol jetkizýi, memleket pen qoǵamnyń ózekti máseleleriniń biri – etnosaralyq qatynastardyń úılesimdi modelin jasaý jáne halyqtyń birligin damytýdaǵy negizgi vektorlardy izdeý boldy. 130-dan astam ult pen ulys turatyn Qazaqstanda 25 jyl buryn Qazaqstan halqy Assambleıasy qurylǵan bolatyn. Qysqa ýaqyt ishinde ol qoǵamdyq uıymnan ulttyq saıasatty júzege asyrýdyń qýatty, serpindi, áleýmettik jáne saıası ınstıtýtyna aınaldy», - deıdi Qyrǵyzstan halyq jazýshysy Sultan Raev.
Onyń aıtýynsha, búginde Qazaqstan halqy assambleıasy – 9 depýtattan, Parlament Májilisindegi Qazaqstannyń joǵarǵy zań shyǵarýshy organyndaǵy ókilderinen turatyn eldiń saıası ómirindegi tolyqqandy sýbekt.
«Qazaqstan halqy assambleıasynyń tóraǵasy Nursultan Nazarbaev budan buryn atap ótkendeı, Assambleıanyń zamanaýı úndeýlerge jaýaptar men is-áreketterdi damytý úshin úlken ǵylymı, saıası jáne qoǵamdyq áleýeti bar. Qazaqstan halqy assambleıasy búginde ulttyq dıalog alańyna aınaldy. Assambleıanyń jetistikke jetýiniń basty faktorlarynyń biri – ultaralyq qatynastar men ulttyq birliktiń qazaqstandyq modeli - Assambleıanyń basynda Qazaqstannyń birinshi Prezıdenti Nursultan Nazarbaevtyń bolǵany jáne solaı bola beretindigi, sonymen qatar Túrkitildes memleketterdiń yntymaqtastyq keńesiniń damýyna kóp eńbek sińirgendigi boldy. Osy konferentsııada sóz sóıleý men úshin úlken mártebe jáne úlken jaýapkershilik. Men barlyǵyna jemisti jumys tileımin, al Qazaqstan halqy assambleıasy - álemdegi beıbitshilik pen kelisimdi, turaqtylyqty nyǵaıtý jolyndaǵy bıik maqsatqa jete bersin», - deıdi ol.
Foto: egemen.kz
