Qazaqstan halqy Assambleıasy tarapynan Májilis depýtattaryn saılaýǵa daýys berý bastaldy
Qazaqstan halqy Assambleıasy tarapynan Parlamenti Májilisiniń depýtattyǵyna 9 úmitker usynylyp otyr. Olar - «Turlaýly Qazaqstan» qorynyń basshysy Álıev Jumataı, Respýblıkalyq uıǵyr mádenıet ortalyǵynyń basqarma múshesi Mýrat Ahmadıev, «Vozrojdenıe» Qazaqstan nemisteri qoǵamdyq birlestikteri qaýymdastyǵy keńesiniń múshesi Egor Kappel, Qazaqstan káristeri qaýymdastyǵynyń tóraǵasy Roman Kım, «Vaınah» sheshen jáne ıngýsh halyqtary mádenıetin damytý qaýymdastyǵynyń teń tóraǵasy Ahmet Mýradov, Jambyl oblysy Qazaqstan halqy Assambleıasy tóraǵasynyń orynbasary, orys, slavıan jáne kazak uıymdary qaýymdastyǵy keńesiniń múshesi Nadejda Nesterova, Astana qalalyq «Tań» tatar-bashqurt etnomádenı birlestiginiń basshysy Zýhra Saıapova, Qazaqstan halqy Assambleıasy tóraǵasynyń orynbasary, «Qazaqstan ýkraınderiniń radasy» odaǵynyń tóraǵasy ıÝrıı Tımoşenko, «Dýstlık» respýblıkalyq ózbek etnomádenı birlestiginiń qurmetti tóraǵasy Rozaqul Halmýradov. Saılaýdyń qorytyndysy búgin tús qaıta belgili bolmaq.
Aıta keteıik, Qazaqstan halqy Assambleıasy tarapynan QR Parlamenti Májilisi depýtattarynyń saılaýyna túsip jatqan úmitkerlerge daýys berý Assambleıanyń kezekten tys XVIII sessııasy aıasynda ótip jatyr. Onyń jumysyna elimizdiń barlyq aımaqtarynan kelgen respýblıkalyq jáne aımaqtyq etnomádenı birlestikter, qoǵam qaıratkerleri, ǵylymı jáne shyǵarmashylyq ıntellıgentsııa qatarynan quralǵan QHA músheleriniń delegatsııalary, QR-da akkredıttelgen halyqaralyq baıqaýshylar jáne sheteldik BAQ, Qazaqstandaǵy saıası partııalar men qoǵamdyq birlestikter baıqaýshylary qatysýda.
