Qazaqstan halqy Assambleıasy men Indýstrııa jáne jańa tehnologııalar mınıstrligi yntymaqtastyq týraly memorandýmǵa qol qoımaq
Atap aıtqanda osy qujat ekonomıkanyń ındýstrııalyq-ınnovatsııalyq damý salasyndaǵy áriptestikke negizdelgen.
«Bul memorandým ózara is-qımyl sharalaryn qarastyrady. Sebebi, búgin tanystyrylyp otyrǵan barlyq jobalar aldyn ala mınıstrliktiń qaraýyna usynylǵan bolatyn. Bul jobalardyń altaýyna qoldaý kórsetildi. Sondyqtan da bul qol qoıylǵan qujat budan arǵy yntymaqtastyqqqa baǵyttalǵan»,- dedi QHA Tóraǵasynyń orynbasary Eraly Toǵjanov.
Budan buryn habarlanǵandaı, atalǵan forým barysynda QHA-nyń jobalary tanystyryldy. Bul turǵyda E. Toǵjanov 60-qa jýyq ındýstrııalyq-ınnovatsııalyq jobalar, onyń ishinde ónerkásip, aýyl sharýashylyǵy, sonymen qatar qurylys , metallýrgııa salalaryndaǵy jobalar bar ekenin jetkizdi. «Atalǵan 60-qa jýyq naqty jobalar búgingi osy forýmǵa shyǵarylyp otyr. Osy jobalardyń altaýyn Indýstrııa jáne jańa tehnologııalar mınıstrligi qarastyryp, olardy iske qosýǵa jáne qarjylandyrý múmkindigi jasalyp jatyr»,-dedi E. Toǵjanov.
