Qazaqstan halqy Assambleıasy qazaqstandyqtardy Astana kúnimen quttyqtady
«Qazaqstan halqy Assambleıasy sizderdi beıbitshilik pen kelisimniń baıtaq qalasy - Astana kúnimen shyn júrekten quttyqtaıdy! Astana - álemniń eń ádemi jáne qarqyndy damyp kele jatqan qalalarynyń biri. Elordamyzdyń - Táýelsiz Qazaqstannyń jańa astanasynyń negizin qalaǵan Prezıdentimiz Nursultan Ábishuly Nazarbaevtyń saıası strategııasy, armandary men júzege asqan ǵalamat josparlarynyń jarqyn úlgisi», - delingen habarlamada.
Sondaı-aq, quttyqtaýda Memleket basshysynyń bastamasymen kıeli jerimizde jańadan baıtaq qala, rýhanı jańǵyrýdyń qaınary, halqymyzdyń maqtanyshy men birliginiń sımvoly paıda bolǵany aıtylady.
«Astana kúni qarsańynda elimizdiń basty áýe aılaǵyna Elbasy esiminiń berilýi de aıqyn zańdylyq. Ústimizdegi jyly Astana «bolashaq energııasynyń» halyqaralyq sammıti retinde elorda men onyń zor jetistiginiń kýási bolǵan «EKSPO-2017» kórmesin tamashalaǵan san myńdaǵan qonaqtar da qýanyshtaryn jasyra almady. Osy aıtýly jyldy biz sananyń ashyqtyǵyna, qýatty jáne jaýapkershiligi mol adamdary bar Ulttyń bıik rýhyna jol ashatyn «Rýhanı jańǵyrý» baǵdarlamasyn iske asyrýǵa kiristik. Onyń sátti iske asyrylýy Astanany odan ári damytýǵa jańa múmkindikter beretinine senimdimiz», - delingen habarlamada.
Quttyqaý sózi sońynda: «Bizdiń maqtanyshymyz, Prezıdenttiń ǵalamat jobasy budan ári qaraı da álemdi tań qaldyryp, jahandyq dıalog pen halyqaralyq bastamalardyń mekeni bola bersin. Astana - bárimizdiń qýanyshqa bólenip, baqytymyzdyt baǵalaıtyn qalamyz. Mereke qutty bolsyn, qymbatty qazaqstandyqtar! Jasaı ber, Astana!» - delingen.
