Qazaqstan halqy Assambleıasy Ǵylymı-saraptyq keńesiniń keńeıtilgen otyrysy ótedi
ASTANA. 14 mamyr. QazAqparat -16 mamyrda QR Ulttyq akademııalyq kitaphanasynda Qazaqstan Respýblıkasynyń Memlekettik hatshysy Qanat Saýdabaevtyń qatysýymen Qazaqstan halqy Assambleıasy Ǵylymı-saraptyq keńesiniń «Memleket basshysy - QHA Tóraǵasy N.Á.Nazarbaevtyń bergen tapsyrmalary aıasynda Qazaqstan halqy Assambleıasy qyzmetin ǵylymı-saraptamalyq súıemeldeýdiń jańa baǵyttary» atty keńeıtilgen otyrysy ótedi.
Bul týraly Aqparat jáne muraǵattar komıteti habarlap otyr.
Otyrysqa QR ortalyq memlekettik organdarynyń basshylary, Assambleıa Keńesiniń músheleri - Bilim jáne ǵylym mınıstri B. Jumaǵulov, Mádenıet mınıstri M.Qul-Muhammed, QR Parlamentiniń depýtattary, joǵary oqý oryndarynyń rektorlary, ǵylymı-saraptyq keńes músheleri, aımaqtyq ǵylymı-saraptyq toptardyń basshylary, etnosaralyq qatynastar salasyndaǵy jetekshi ǵalymdar men mamandar, memlekettik organdardyń, etnomádenı birlestikterdiń ókilderi qatysady.
Otyrysta ǴSK qyzmetiniń qorytyndylary, onyń QR Prezıdenti - Qazaqstan halqy Assambleıasynyń Tóraǵasy N.Nazarbaevtyń QHA sessııalaryndaǵy sózderiniń aıasyndaǵy damý bolashaǵy, etnosaralyq jáne konfessııaaralyq qatynastar salasyndaǵy memlekettik áleýmettik tapsyrystar aıasyndaǵy ǵylymı baǵdarlamalar men zertteý jobalaryn, is-sharalardy iske asyrýda QHA-nyń mınıstrlikter men vedomstvalarmen ózara qarym-qatynasy máseleleri qaralady.
Shara barysynda Ulttyq akademııalyq kitaphanadaǵy Assambleıanyń elektrondy ǵylymı depozıtarıiniń tusaýkeseri ótedi.
