Qazaqstan halqy Assambleıasy elimizdiń pravoslavıe hrıstıandaryn Rojdestvo merekesimen quttyqtady
«Qazaqstan halqy Assambleıasy elimizdiń barlyq pravoslavıe hrıstıandaryn jarqyn rýhanı mereke - Rojdestvomen shyn júrekten quttyqtaıdy!
Rojdestvo - hrıstıandarǵa ejelden úlken qýanysh, úmit pen mahabbat syılap kele jatqan aıtýly dinı mereke. Qazaqstan halqynyń baı rýhanı murasynyń ajyramas bóligine aınalǵan bul mereke adamdardy meıirimge, izgilikke bastap, muqtaj jandarǵa kómek qolyn sozýǵa shaqyrady.
Memleket basshysy, Elbasy N.Á.Nazarbaev: «Materıaldyq qundylyqpen salystyrýǵa kelmeıtin máńgilik qundylyqtar bar, olar - rýhanııat pen adamgershilik. Bular adam úshin eń bastysy jáne solaı bolyp qala beredi», deıdi.
Sondyqtan da, barlyq dinderdiń tamyry - tereń rýhanı qundylyqtar, ǵasyrlar jyljyp ótken saıyn, urpaqtar jalǵastyǵynyń belgisindeı, qasıetti qazaq jerindegi adamgershilik pen rýhanı birliktiń, beıbitshilik pen kelisimniń nyǵaıýyna berik negiz bolyp qala bermek.
Mereke kúni Qazaqstan halqyna beıbitshilik, izgilik, rýhtyń bıiktigin jáne denniń saýlyǵyn tileımiz! Rýhanı kúshimiz artyp, nıetimiz tazarsyn, isimiz ádil, oń bolsyn!
Nıetterińiz qabyl bolyp, jaratýshynyń izgiliginen, qaıyrymynan jazsyn», delingen quttyqtaýda.
