Qazaqstan halqy Assambleıasy Elbasynyń qatysýymen ótetin HH mereıtoılyq sessııada óz jumysyn qorytyndylaıdy
ASTANA. 22 sáýir. QazAqparat - 24 sáýir kúni QR Prezıdenti Nursultan Nazarbaev Qazaqstan halqy Assambleıasynyń HH sessııasynyń jumysyna qatysady.
Bul týraly búgingi baspasóz máslıhatynda Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
Sessııanyń negizgi taqyryby - «Qazaqstan 2050» Strategııasy: Bir halyq, bir el, bir taǵdyr». «Sessııa jumysy barysynda Assambleıa 18 jyldyq qyzmetin qorytyndylap, kópultty eldiń damýy men jańa saıası baǵyt turǵysynda bolashaqtaǵy óz basymdyqtaryn aıqyndaýǵa bel býyp otyr»,- dep atap kórsetti A. Ábıbýllaev.
Aıta ketken jón, shara aıasynda Assambleıanyń barlyq aımaqtyq ókilderiniń qatysýymen «Qazaqstan - bizdiń ortaq úıimizz» taqyrybynda halyqaralyq konferentsııa uıymdastyrylady.
