Qazaqstan halqy Assambleıasy Elbasy ıdeıalarynyń jetkizýshisi bolýy tıis
ASTANA. Qańtardyń 29-y. QazAqparat /Jasulan Amanbaıuly/ - Halqymyzdyń árbir azamaty barlyq jerde ózderin jaıly sezinip, «meniń Otanym - Qazaqstan!» dep maqtanyshpen aıta alatyndaı bolýy úshin - Qazaqstan halqy Assambleıasy Prezıdent ıdeıalarynyń jetkizýshisi bolýy tıis.
Bul týraly búgin Qazaqstan halqy Assambleıasynyń Elbasy Joldaýyn talqylaýǵa arnalǵan keńesi barysynda «Uıǵyrlardyń respýblıkalyq mádenı ortalyǵy» qoǵamdyq birlestiginiń basshysy Ahmetjan Shardınov aıtty, dep habarlaıdy QazAqparat.
Onyń aıtýynsha, Qazaqstan halqy Assambleıasy Joldaýdaǵy máselelerdi barlyq aýyldarǵa, eldi mekenderge jetkizý jumystaryn jasaýy tıis.
«Túkpir-túkpirdegi aýyl turǵyndary bizdiń Qazaqstandaǵy jaǵdaı týraly aqparatqa qanyq bolýy, bizdiń ekonomıkanyń ilgerileýine ortaqtasýy, Otanymyzdyń qandaı ekendigin bilýi úshin bizge jergilikti jerlerde turǵyndarmen, jastarmen jumys jasap, aıanbaı eńbek etý qajet», dep atap kórsetti ol.
«Biz, barlyǵymyz aldymyzda turǵan ekonomıkalyq mindetterge atsalysýǵa tıispiz», deıdi ol.
A. Shardınov keńes barysynda Assambleıa úshin eń negizgisi ultaralyq kelisimdi saqtaý bolyp qala beretinin eske saldy.
