Qazaqstan halqy Assambleıasy barsha názik jandylardy 8 Naýryz merekesimen quttyqtady
«Shyraıly kóktemniń alǵashqy merekesin aınala gúldengen mezgilde toılaıtynymyz kezdeısoq emes. Bul kezde tabıǵatpen birge sizderdiń de kórikterińiz ajarlana túsedi. Sizderdiń kóktemgi kúlkilerińiz bizge shabyt pen erekshe jylý beredi.
Halyqaralyq áıelder kúni - bul Kóktem, Mahabbat, Ásemdik pen Symbattylyq merekesi! Jaqsylyq pen náziktik áıelge tán qasıetter, olar álemge jańa ómir syılaıdy. Áıel - otbasy uıytqysy. Sizderdiń moıyndaryńyzǵa aýyr júk artylǵan. Ol - óskeleń urpaqqa, eldiń bolashaǵyna degen qamqorlyq. Januıadaǵy, halyq pen memlekettegi birliktiń qaınar kózi - JAQSYLYQ, MAHABBAT, ShAPAǴAT sizderdiń júrekterińizden shyǵady.
Sizderdiń eńbekterińiz, jomart júrek, meıirimdi kóńilderińiz úshin alǵys aıtamyz. Bizdiń tiregimiz de, úmitimiz de, shyǵarmashylyq shabytymyz da - Sizdersizder. Bul merekeni súıikti erlerińizben, baqytty balalaryńyzben jáne adal dostaryńyzben birge qarsy alýyńyzǵa tilektespiz.
Armandaryńyz oryndalyp, kózderińizdegi ot eshqashan sónbesin! Beıbitshilik pen kelisim, túsinistik pen qýanysh árdaıym Sizdermen birge bolsyn! Merekelerińizben, qymbatty analar, aıaýly arýlar!» delingen quttyqtaýda.
