Qazaqstan halqy Assambleıasy barsha áıelder qaýymyna merekelik quttyqtaý joldady
***
Qurmetti hanymdar!
Sizderdi Qazaqstan halqy Assambleıasy atynan 8 Naýryz halyqaralyq áıelder kúni merekesimen shyn júrekten quttyqtaımyz!
Qazaqstan halqy Assambleıasynyń jyly - bul merekeniń orny erekshe. Bıyl búkil elimiz Konstıtýtsııanyń 20, Qazaq handyǵynyń 550, Uly Otan soǵysy jeńisiniń 70 jyldyǵyn keńinen atap ótedi.
Bul dataly kúnderdiń máninde árbir áıel-analarymyz úshin mańyzdy - beıbitshilik pen kelisim, bolashaqqa degen zor senim jatyr.
Elimizdiń Prezıdenti, Ult Kóshbasshysy N.Á. Nazarbaev «Nurly jol - bolashaqqa bastar jol» atty Joldaýynda turaqtylyq pen kelisim, ol áýeli «otbasylyq ál-aýqat, qaýipsizdik, baspana» - dep aıtty. Beıbitshilik - bul aldymen ata-ana bolýdyń qýanyshy, áke-sheshelerimizdiń densaýlyǵy men balalardyń baqyty.
Áıelder - álemge meıirim men jańa ómir syılaýshy názik jan ıeleri. Árbir shańyraqtyń shattyǵyn jarastyryp otyrǵan aıaýly jandarǵa zor qurmet kórsetý - qaı urpaqtyń da perzenttik paryzy bolyp qala bermek.
Otbasynyń yntymaǵyn saqtaýshy analardyń orny qoǵamda erekshe. Birlik otbasynan bastaý alady. Sol sebepti Qazaqstan halqy Assambleıasy janynan barlyq óńirlerde «Analar keńesi» quryldy. Bul keńes óz ornyn aıshyqtap, keler urpaq úshin tálim men tárbıeniń irgesi, berik shańyraǵyna aınaldy.
Qurmetti asyl jandar!
Tabıǵat ananyń jańaryp, meıirim jylylyǵyn ala keletin kóktemniń alǵashqy merekesi barshańyzǵa qutty bolsyn! Sizder bul ómirge tek izgilik pen jylylyq, meıirim men shýaq syılaýshy jandar ǵana emes, tirshilik ataýlynyń eń asyl abzaly degen qurmetke laıyqsyzdar. Shańyraqtaryńyzǵa shattyq, zor densaýlyq, eńbekterińizge tabys tileımiz. Arman tilekterińiz oryndalsyn.Táýelsiz Qazaqstannyń gúldenýi jolynda bıik belesterge birge jeteıik!
