Qazaqstan halqy Assambleıasy Arysqa 65 tonna gýmanıtarlyq kómek jetkizdi

ARYS. QazAqparat - Qazaqstan halqy Assambleıasy Arysqa 65 tonna gýmanıtarlyq kómek jiberdi. Úsh júk kóligine tıelgen azyq-túlik pen qurylys zattary jarylys bolǵan aımaqqa jetkizildi, dep habarlaıdy QazAqparat tilshisi.

Almaty qalalyq uıǵyr etnomádenı birlestigi tóraǵasynyń orynbasary Sabıt ıÝsýpovtyń sózinshe, jetkizilgen zattardyń jalpy quny shamamen 12 mln teńgeni quraıdy. Arasynda kıim-keshek pen kúndelikti tutynatyn taýarlar da bar.

«Birlestik tarapynan taǵy 5 mln teńge jınalyp, ony aqshalaı aýdaratyn bolamyz. Gýmanıtarlyq kómek munymen toqtalyp qalmaıdy. Qazir Almaty qalasynda turatyn azamattar taǵy qurylys materıaldaryn jınaýda. Jaqyn kúnderi olardy da júk kólikterine tıep, kezegimen joldaı beremiz dep josparlap otyrmyz»,- deıdi Almaty qalalyq uıǵyr etnomádenı birlestiginiń tóraǵasy.