Qazaqstan halqy Assambeıasy mýltımedııalyq formatta jumys isteı bastady
Aıta ketken jón, saıtty jańartý sharalaryn QR Aqparat jáne kommýnıkatsııalar mınıstrligine qarasty "Qazkontent" AQ atqaryp shyqty. Endi, www.assembly.kz tolyqqandy mýltımedııalyq portal retinde iske qosylyp otyr. "Birinshiden, jańartylǵan saıt arqyly onlaın konferentsııalardy uıymdastyrýǵa múmkindik bar. Qazaqstan xalqy Assambleıasynyń músheleri bir-birimen tikeleı efırde tildese alady. Ekinshiden, portaldyń taǵy bir mýltımedııalyq fýnktsııasy elimizdiń aıshyqty jerlerine 3D týrlar jasaýǵa múmkindik beredi. Aldaǵy ýaqytta ol nysandarǵa barlyq dostyq úıleri qosylady. Sondaı-aq, Qazaqstannyń qasıetti jerlerine sapar jasaý qyzmeti bolady. Úshinshiden, etno-mádenı birlestikter saıtqa ózderi týraly aqparat sala alady. Tórtinshiden, Qazaq radıosynyń "Báıterek" baǵdarlamasyn tikeleı efırde tyńdaýǵa múmkindik bar. Budan bólek, atalǵan baǵdarlamanyń muraǵatyn tabýǵa bolady. Besinshiden, saıttyń negizinde Qazaqstan xalqynyń mýltımedııalyq kartasy iske qosylyp otyr", - deıdi "Qazkontent" AQ tóraǵasy Evgenıı Kochetov.
Mýltımedııalyq kartadan Qazaqstanda turatyn etnostar týraly tolyq aqparatty tabýǵa bolady. Ol jerde naqty ulttyń sany, salt-dástúri, dini, sharýashylyǵy jáne taǵy basqa málimetter bar. Sondaı-aq, Qazaqstannyń ár jyldardaǵy geografııalyq kartalary men ulttardyń ornalasýy arqyly polıetnıkalyq qoǵamnyń qalyptasý kezeńderin kórýge bolady.
"2017 jyly sáýir aıynda Elbasy Nursultan Nazarbaevtyń tikeleı tapsyrmasymen "Qazaqstan xalqy" atty ınteraktıvti tarıxı karta jasaldy. Bul jobanyń analogy ne Qazaqstanda, ne basqa elde bolmaǵan. Karta úsh tilde jasalyp otyr. Bolashaqta jańa málimettermen tolyqtyrylady. Karta úsh bólimnen turady. Birinshi - ınteraktıvti tarıxı karta, ekinshi - Qazaqstan xalqy, úshinshi - Táýelsizdik dáýiri. Kartanyń basty maqsaty - ultaralyq birlikti kúsheıtý", - dep atap kórsetti professor Zııabek Qabyldınov.
Aıta keteıik, QR Memlekettik xatshy Gúlshara Ábdiqalyqova Elbasy Nursultan Nazarbaevtyń quttyqtaýyn jetkizdi. Mereke sońy kontsertke ulasty. Sondaı-aq, G.Ábdixalyqova «Qaıyrymdy kórshige raqmet!» degen aktsııaǵa qosylatynyn málimdedi.
