Qazaqstan halqy 180 myń adamǵa artty
ASTANA. 15 qarasha. QazAqparat - Jyl basynan beri Qazaqstandaǵy halyq sany 180 myń adamǵa artty. Bul jaıynda búgin QR Statıstıka agenttiginde bolǵan baspasóz máslıhatynda málim boldy.
Atap aıtqanda, bıylǵy 1 qazandaǵy jaǵdaı boıynsha elimizdegi halyq sany 16 856,6 myń adamdy qurady. Osynyń ishinde 9,2 mln. adam qalada, al 7,6 mln. aýyldyq jerlerde turady eken.
«Jyl basymen salystyrǵanda jalpy elimiz boıynsha halyq sany 181,2 myń adamǵa nemese 1,1 paıyzǵa artty (2011 jyldyń basymen salystarǵanda ótken jyldyń qańtar-qyrkúıeginde bul kórsetkish 173,2 myń adamdy nemese 1 paıyzdy qurady)»,-dedi atalǵan agenttiktiń tóraǵasy Álıhan Smaıylov.
Jyl basynan bergi toǵyz aıda 288,6 myń bala ómirge keldi. Bul kórsetkish byltyrdyń osy kezeńine qaraǵanda 8 myńǵa artyq.
