Qazaqstan halqy 17 mln. adamǵa jýyqtady
ASTANA. 14 naýryz. QazAqparat - Qazaqstan halqy 17 mln. adamǵa jýyqtady. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
«Aǵymdaǵy jyldyń 1 aqpanynda Qazaqstan halqynyń sany 16 mln. 931,1 myń adamdy qurady»,-dedi ol.
Onyń atap ótýinshe, el halqynyń quramyndaǵy qala turǵyndarynyń sany 9 mln. 278,7 myń adamdy, al aýyl halqy 7 mln. 655,4 myń adamdy qurady. Bıylǵy qańtar aıynda respýblıka halqy 22,2 myń adamǵa nemese 0,113 paıyzǵa ósti. Ótken jyldyń 1 aqpanyndaǵy málimettermen salystyrǵanda halyq sany 236 myń adamǵa nemese 1,4 paıyzǵa ósti.
Á. Smaıylovtyń naqtylaı túsýinshe, respýblıka halqynyń tabıǵı ósimi 2013 jyldyń qańtar aıynda 22,1 myń adamdy quraǵan. Ótken jyldyń qańtar aıynda bul kórsetkish 21,7 myń adam bolǵan edi.
