Qazaqstan halqy 17 mln. 165 myńnan asty
ASTANA. QazAqparat - 2014 jylǵy 1 qańtardaǵy jaǵdaı boıynsha el halqynyń sany 17 165,2 myń adamdy qurady, onyń ishinde qalalyq jerde 9 450,1 myń (55%), al aýyldyq jerde 7 715,1 myń adam (45%) turady, dep málimdedi QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Statıstıka agenttiginiń basshysy Álıhan Smaıylov.
2013 jyldyń basymen salystyrǵanda, halyq sany 255,4 myń adamǵa nemese 1,5%-ǵa artqan.
Respýblıka halqynyń ósimi 2013 jylǵy qańtar-jeltoqsanda 255,8 myń adamdy qurady. 2012 jylǵy qańtar-jeltoqsanmen salystyrǵanda, (237,9 myń adam) 17,9 myń adamǵa nemese 7,5%-ǵa artqan. 1000 turǵynǵa shaqqanda, tabıǵı ósimniń jalpy koeffıtsıenti 15,01 (14,18) qurady.
2013 jylǵy qańtar-jeltoqsanda AQAJ organdary 393,4 (379,1) myń týýdy tirkegen, bul 2012 jyldyń osy kezeńimen salystyrǵanda, 3,8%-ǵa kóp. 1000 adamǵa shaqqanda bala týýdyń jalpy koeffıtsıenti 23,09 (22,69) quraǵan.
Qaralǵan kezeńde qaıtys bolǵandardyń sany 137,6 (141,2) myń adamdy quraıdy, bul 2012 jyldyń qańtar-jeltoqsanymen salystyrǵanda, 2,5 %-ǵa tómen. 1000 adamǵa shaqqanda ólim-jitimniń jalpy koeffıtsıenti 8,08 (8,51) quraıdy.
