Qazaqstan halqy 1 jylda 253 myń adamǵa ósti
ASTANA. QazAqparat - Qazaqstan halqy 1 jylda 253 myń adamǵa ósti. Bul týraly búgin QR Statıstıka agenttiginiń basshysy Álıhan Smaıylov málim etti.
«1 naýryzdaǵy jaǵdaı boıynsha elimizdegi halyq sany 17 207 myń adamdy qurady. Onyń ishinde qalalyqtar - 55, al aýyldyqtar 45 paıyz. 12 aıdyń ishinde halyq sany 253 myń adamǵa nemese 1,5 paıyzǵa ósti», - dedi ol.
Sonymen qatar agenttik basshysynyń atap ótýinshe, aǵymdaǵy jyldyń qańtar-aqpanynda AHAT organdarynda dúnıege kelgen 64 myń sábı tirkelgen. Bul ótken jyldyń qańtar-aqpanymen salystyrǵanda 50,9 paıyzǵa kem.
«Qaıtys bolǵandar sany 22 myń adamdy qurady jáne byltyrǵy jyldyń qańtar-aqpanymen salystyrǵanda 8,8 paıyzǵa kemidi», - dedi Á.Smaıylov.
