Qazaqstan halqynyń sany artyp keledi: elde qansha adam turady
ASTANA. KAZINFORM — Ulttyq statıstıka bıýrosy Qazaqstan halqynyń sanyna qatysty jańartylǵan málimetti jarııalady.
Resmı derekke qaraǵanda, 1 tamyzda Qazaqstan halqynyń sany 20 604 819 adamǵa jetti. Bir aı buryn, 1 shildede bul kórsetkish 20 590 589 adam edi.
Jyl basynan beri Qazaqstan halqy 104 997 adamǵa artqan. Onyń 99 419-y tabıǵı ósimge tıesili. Al shetelden kóship kelgender esebinen halyq sany taǵy 5 578 adamǵa kóbeıgen.
1 tamyzdaǵy derek boıynsha, qalalarda 13 085 110 adam, aýyldarda 7 414 712 adam turady.
Qazaqstanda halyq sany eń kóp qala — Almaty. Qalada 2 348 103 adam turady. Odan keıin Astana — 1 639 176 adam jáne Shymkent — 1 294 050 adam.
Óńirler arasynda halyq sany jaǵynan Túrkistan oblysy kósh bastap tur — 2 149 205 adam. Odan keıin Almaty oblysy — 1 596 532 adam. Úshinshi orynda 1 215 656 turǵyny bar Jambyl oblysy tur.
Halqy eń az óńir — Ulytaý oblysy. Munda 219 049 adam turady.
Aıta keteıik, buǵan deıin Qazaqstanda jumys isteıtinder sany 9,3 mln adamǵa jetkeni habarlandy.
