Qazaqstan halqynyń neshe paıyzy úıinde qarý ustaıdy

ASTANA. KAZINFORM – Qazaqstanda 200 myńnan astam azamattyq qarý ıesi tirkeýde tur. Bul týraly Іshki ister mınıstrligi Kazinform saýalyna joldaǵan jaýapta aıtylǵan.

қару
Фото: ҚР ІІМ

- Qazirgi ýaqytta elimizde 200 myńnan astam azamattyq qarý ıeleri tirkelgen. 2024 jyly qarýdy ıelenýge shamamen 1 myńnan astam qarý ıeleriniń ruqsattary toqtatylyp, kúshin joıǵan.

Qazaqstan Respýblıkasynyń jıyrma bir jasqa tolǵan ańshy kýáligi bar azamattary ańshylyq qarýdy satyp alý quqyǵy bar, - dep jazylǵan jaýapta.

Bul 20 mıllıonnan astam adamnyń 1 paıyzy degen sóz. Azamattyq qarý ıeleriniń eń kóbi Almaty, Astana qalasynda, Almaty jáne Qaraǵandy oblystarynda tirkelgen.

- Qarý azamattyq aınalymda paıdalaný maqsatyna (ózin-ózi qorǵaý, sportpen aınalysý jáne ań aýlaý úshin sáıkes bólinedi). Qarýdy saqtaý men alyp júrýge ishki ister organdary bergen ruqsat negiz bolyp tabylady, - delingen ІІM málimetinde.

Keshe ǵana birneshe oblysta qańtar oqıǵasy kezinde urlanǵan qarý-jaraqtar tabylǵany habarlanǵan edi.

 

Сейчас читают