Qazaqstan halqynyń birligi kúni Birlik alleıasyna tal egildi
QYZYLORDA. KAZINFORM – Búgin oblys ákimi Nurlybek Nálibaev Qazaqstan halqynyń birligi kúnine oraı oblystyq Qazaqstan halqy Assambleıasy janyndaǵy qurylym múshelerimen, etnomádenı birlestikterdiń jetekshilerimen birge Birlik alleıasyndaǵy tal egý sharasyna qatysty.
Aıta keteıik, búginde oblystyq assambleıa janynda 11 etnomádenı birlestik bar. Qorqyt Ata atyndaǵy Qyzylorda ýnıversıtetinde «Qazaqstan halqy assambleıasy» ortalyǵy jumys isteıdi.
Óńirdegi ultaralyq tatýlyq pen qoǵamdyq kelisimdi saqtaý, oblystyq assambleıanyń qyzmetin jandandyrý jáne onyń qoǵamdyq-saıası róli men mańyzyn arttyrý baǵytynda tıisti jumystar atqarylýda.
Eske salsaq, qazir respýblıka boıynsha «Taza Qazaqstan» aktsııasy ótýde. Aktsııa aıasynda ár aptaǵa «Taza ólke», «Kıeli meken», «Jasyl aımaq», «Ónegeli urpaq», «Móldir bulaq» taqyryptyq ataýlary berilgen.
Syr óńirinde «Taza Qazaqstan – taza aımaq» naýqany aıasynda 5 kezeń boıynsha kógaldandyrý, tazalyq sharalary uıymdastyrylýda.
