Qazaqstan halqynyń 1 mıllıon krıptoámııany sheteldik platformalarda
ASTANA. KAZINFORM — Qazaqstan halqy álem boıynsha 1 mıllıon krıptoámııanǵa ıe. Bul týraly Úkimet otyrysynda AHQO Qarjy qyzmetterin retteý komıteti Avtorızatsııalaý jáne qarjy tehnologııalary keńsesiniń basqarýshy dırektory Erkeǵalı Edenbaev aıtty.
Onyń aıtýyna qaraǵanda, Qazaqstanda tsıfrlyq aktıvter ındýstrııasyn odan ári damytýǵa múmkindikter bar.
— Sarapshylardyń dereginshe, qazaqstandyqtar álem boıynsha 1 mıllıon krıptoámııanǵa ıe. Bul jasalatyn operatsııalardyń birazy sheteldik platformalarda ekenin kórsetedi. Aldaǵy kezeńdegi negizgi mindetterdiń biri — osy klıentterdi AHQO-ǵa kóshirý, — dedi ol.
Erkeǵalı Edenbaev qazirgi kezde 5 halyqaralyq krıptoplatforma AHQO-da lıtsenzııalaýdan ótip jatqanyn aıtady, onyń ekeýi álemniń eń iri 10 krıptobırjasyna kiredi.
— Osylaısha, maqsat — tsıfrlyq aktıvterdi retteýmen shektelmeı, qazaqstandyqtardyń operatsııalaryn qaýipsiz jáne retteletin ortaǵa aýystyrý, — dedi AHQO ókili.
Aıta keteıik, Úkimet otyrysynda tsıfrlyq aktıvter salasyn damytý máseleleri talqylanyp jatyr.
