«Qazaqstan halqyna» qorynyń esebinen 25 ońaltý ortalyǵy ashylady

ASTANA. KAZINFORM – «Qazaqstan halqyna» qory el óńirlerinde erekshe qajettilikteri bar balalarǵa arnalǵan 25 ońaltý ortalyǵyn ashýdy josparlap otyr. Bul týraly qordyńbasqarma tóraǵasy Bolat Jámishev ortalyq kommýnıkatsııalar qyzmetinde ótken baspasóz máslıhatynda málim etti.

- Biz qazirdiń ózinde aýyldarda oblystyq deńgeıdegi 5 ońaltý ortalyǵyn, aýdandyq deńgeıdegi 4 ońaltý ortalyǵyn ashtyq. Jyl sońyna deıin erekshe qajettilikteri bar balalarǵa arnalǵan 25 ońaltý ortalyǵyn ashý kózdelgen, - dedi ol.

Jalpy qor áleýmettik qoldaý jáne ońaltý salasynda 16,3 mlrd teńgeniń29 jobasye iske asyryp jatyr. 

- Sonymen qatar, sport jáne mádenıet salasynda 9,5 mlrd teńgeniń 14 baǵdarlamasy men jobasy iske asyrylýda. Batys Qazaqstan oblysynda 25 aýyldyq kitaphanany jańǵyrtyp jatyrmyz. Shalǵaıdaǵy eldi mekenderde qordyń qoldaýymen aýyl jastary úshin 100 sport zaly ashyldy. Aýyldyq jerlerde, mono jáne shaǵyn qalalarda angar úlgisindegi 40 sport zalyn salý josparlanýda, - dedi qor basshysy.

Eske salsaq, byltyr tamyzda «Qazaqstan halqyna» qory 850 bilim grantyn bólgen edi.