«Qazaqstan halqyna» qory úsh jylda 100-den astam baǵdarlama men jobaǵa bastamashy bolǵan

ASTANA. KAZINFORM – «Qazaqstan halqyna» qorynyń basqarma tóraǵasy Bolat Jámishev ortalyq kommýnıkatsııalar qyzmetinde ótken baspasóz máslıhatynda úsh jyldaǵy jumystyń basty nátıjelerin atady.

- «Qazaqstan halqyna» qory birjolǵy kómek kórsetý úshin ǵana emes, kóptegen jyldar boıy nazardan tys qalǵan júıeli máselelerdi sheshý úshin qurylǵan. «Qazaqstan halqyna» qory 104 qaıyrymdylyq baǵdarlamasy men jobanyń bastamashysy boldy. Onyń 62-si aıaqtaldy. Olardy iske asyrýǵa 240 mlrd teńge bólindi, - dedi Bolat Jámishev. 

Qazir qorda 252 mlrd teńge bar kórinedi. Qor alǵashqy eki jylda qaıyrymdylyq kómekke 186,5 mlrd teńge, 2024 jyly 96,6 mlrd teńge jumsaǵan.

Eske salsaq, byltyr tamyzda «Qazaqstan halqyna» qory 850 bilim grantyn bólgen edi.