«Qazaqstan halqyna» qory orfandyq aýrýy bar 490 azamatqa 62,3 mlrd teńgeniń kómegin kórsetken
ASTANA. KAZINFORM – «Qazaqstan halqyna» qorynyń basqarma tóraǵasy Bolat Jámishev ortalyq kommýnıkatsııalar qyzmetinde ótken baspasóz máslıhatynda medıtsına salasyndaǵy qaıyrymdylyq kómekter týraly málimet berdi.

- Qor 2022-2024 jyldary orfandyq aýrýy bar 490 azamatqa 62,3 mlrd teńge kóleminde kómek kórsetti. Onyń 371-i bala. Qor onkologııalyq jáne onkogematologııalyq aýrýy bar 1284 azamatqa 14,76 mlrd teńgeden astam kólemde kómek kórsetti, - dedi Bolat Jámishev.
«Qazaqstan halqyna» qory 2023-2024 jyldary balalarǵa kórsetiletin neırohırýrgııalyq qyzmetti damytý úshin 19 óńirde 22 medıtsınalyq uıymdy jabdyqtaýǵa atsalysqan.
- Orfandyq naýqastardy qajetti preparattarmen qamtamasyz etý Densaýlyq saqtaý mınıstrliginiń tikeleı mindeti ekenin atap ótkim keledi. Qaıyrymdylyq qory memlekettiń fýnktsııalaryn qaıtalamaýy kerek. Tek áleýmettik kómek aıasyndaǵyts bastamalardy tolyqtyryp, qoldaýy kerek, - dep tolyqtyrdy spıker.
Eske salsaq, byltyr tamyzda «Qazaqstan halqyna» qory 850 bilim grantyn bólgen edi.