«Qazaqstan halqyna» qory mektepterde múgedektigi bar balalarǵa arnaıy qondyrǵylar ornatady
ASTANA. KAZINFORM - «Qazaqstan halqyna» QQ Basqarma tóraǵasy Bolat Jámishev Astana men Shymkent mektepterinde arbaǵa tańylǵan balalarǵa jaǵdaı jasaý josparyn jarııalady.
«Almatyda 13 mektepte arbamen júretin balalardy kóterýge arnalǵan lıftter ornatyldy. Inklıýzııa kádimgi mektepterde erekshe balalardy oqytý múmkindigin qarastyryp otyr. Kóbinese baspaldaqtar arbamen júretin balalardyń mektepke kirýine kedergi bolatyny anyq. Bizde taǵy birneshe qanatqaqty joba bar. Osy rette, bul balalardyń mektepterge emin-erkin barýy úshin mundaı jabdyqtardy Shymkent pen Astanadaǵy oqý oryndaryn jabdyqtaımyz», - dedi B.Jámishev Ortalyq kommýnıkatsııalar qyzmetindegi dóńgelek ústel otyrysynda.
Onyń aıtýynsha, qor bul baǵyttaǵy jumysyn jalǵastyrady.
«Bizde basqa da baǵyttar boıynsha osy mektepterge qoıylatyn talaptar bar. Bul turǵyda mundaı balalar úshin tıisti dárethanalardy jasaqtaý qajet. Sonymen qatar, synyptarda, dálizderde emin-erkin qozǵalys úshin jaǵdaı jasaý kerek. Olarǵa qosymsha sabaq beretin muǵalim bolýy tıis», - dedi qor basshysy.
