Qazaqstan halqy jylyna qansha tonna et tutynady
ASTANA. KAZINFORM – Qazaqstan halqy jylyna orta eseppen 1 mln 260 myń tonnadaı et tutynady. Bul týraly Kazinform agenttigi joldaǵan saýalǵa Aýyl sharýashylyǵy mınıstrligi joldaǵan resmı jaýapta aıtylǵan.
- Resmı statıstıka derekterine sáıkes, sońǵy úsh jylda et túrleri boıynsha jyldyq tutyný kólemi mynandaı: Sıyr eti – shamamen 445,6 myń tonna (2022 j. – 521,6 myń t, 2023 j. – 395,7 myń t, 2024 j. – 419,6 myń t); Qoı eti – shamamen 129,9 myń tonna (2022 j. – 145,3 myń t, 2023 j. – 129,2 myń t, 2024 j. – 115,2 myń t); Jylqy eti – shamamen 168,2 myń tonna (2022 j. – 160,4 myń t, 2023 j. – 170,3 myń t, 2024 j. – 173,7 myń t); Shoshqa eti – shamamen 68,7 myń tonna (2022 j. – 86,1 myń t, 2023 j. – 62,1 myń t, 2024 j. – 57,8 myń t); Qus eti – shamamen 447,3 myń tonna (2022 j. – 430,8 myń t, 2023 j. – 460,1 myń t, 2024 j. – 452,4 myń t).
Jalpy, el turǵyndary jylyna shamamen 1 260 myń tonnadaı et tutynady, - delingen habarlamada.
Al 2024 jylǵy statıstıka boıynsha ishki naryqta jalpy mólsheri 1 234,8 myń tonna et satylǵan:
- sıyr eti – 419,6 myń tonna;
- jylqy eti – 173,7 myń tonna;
- qoı men eshki eti – 131,3 myń tonna;
- shoshqa eti – 57,8 myń tonna;
- qus eti – 452,4 myń tonna.
Onyń 102 myńdaı tonnasy eksportqa jóneltildi. Bul málimetter elimizdegi et óndirisi salasy ishki suranysty 90 paıyzǵa jýyq qamtıtynyn kórsetedi.
Elimizde ótken jyly 1 mln 235 myń tonnadaı et saýdaǵa shyǵarylyp, onyń 102 myń tonnasy eksporttalǵan.
Sondaı-aq Aýyl sharýashylyǵy mınıstrligi Qazaqstannan qashan Eýropa elderine jáne Túrkııaǵa et eksporty bastalatynyn málimdedi.