Qazaqstan halqy tańdaý jasady: Quryltaı saılaýynda 9 mln 350 myń adam daýys berdi
ASTANA. KAZINFORM — Quryltaı depýtattaryn saılaýynda daýys berýshiler tizimine engizilgen 9 mln 350 myńnan astam saılaýshy daýys berdi. Bul týraly Ortalyq saılaý komıssııasy tóraǵasynyń orynbasary Muhtar Erman aıtty.
— OSK elimizdiń barlyq saılaý ýchaskesinde daýys berý aıaqtalǵanyn habarlaıdy. Ýchaskelik komıssııalar daýys berýdi sanaýǵa kiristi. Saılaý týraly zań normalaryna sáıkes, saılaý ýchaskelerinde daýystardy sanaý 12 saǵattan aspaýy tıis. Aýmaqtyq saılaý komıssııalary OSK-ge elektrondyq baılanys arnalary arqyly daýys berý men esepteýdiń aldyn ala nátıjeleri týraly málimetterdi usynady, — dedi Muhtar Erman.
Onyń málimetinshe, astananyń, oblystardyń, respýblıkalyq mańyzy bar qalalardyń aýmaqtyq saılaý komıssııalary usynǵan derekterge sáıkes, saǵat 20:00–degi jaǵdaı boıynsha óńirlerde saılaýshylardyń daýys berýge qatysýy mynadaı:
1. Astana qalasy boıynsha — 51,67%.
2. Abaı oblysy boıynsha — 81,41%.
3. Aqmola oblysy boıynsha — 82,69%.
4. Aqtóbe oblysy boıynsha — 88,30%.
5. Almaty oblysy boıynsha — 71,17%.
6. Atyraý oblysy boıynsha — 70,74%.
7. Batys Qazaqstan oblysy boıynsha — 73,38%.
8. Jambyl oblysy boıynsha — 85,18%.
9. Jetisý oblysy boıynsha — 91,19%.
10. Qaraǵandy oblysy boıynsha — 76,28%.
11. Qostanaı oblysy boıynsha — 76,47%.
12. Qyzylorda oblysy boıynsha — 90,75%.
13. Mańǵystaý oblysy boıynsha — 71,38%.
14. Pavlodar oblysy boıynsha — 71,20%.
15. Soltústik Qazaqstan oblysy boıynsha — 77,31%.
16. Túrkistan oblysy boıynsha — 92,16%.
17. Ulytaý oblysy boıynsha — 70,72%.
18. Shyǵys Qazaqstan oblysy boıynsha — 87,50%.
19. Almaty qalasy boıynsha — 43,23%.
20. Shymkent qalasy boıynsha — 75,42%.
— Saǵat 20:00–de 9 352 151 saılaýshy bıýlleten aldy. Ol tizimge engizilgen azamattardyń 74,19 paıyzyn qurady. QR Quryltaıyna depýtattardy saılaý boıynsha daýys berýdiń aldyn ala nátıjeleri arnaıy brıfıngte habarlanady, — dedi ol.
Quryltaı saılaýyna qatysty barlyq jańalyqpen myna siltemege ótip oqı alasyzdar. Elimizde tarıhı Quryltaı saılaýynda 145 depýtattyq mandatqa «Ádilet», JSDP, «Baıtaq», QHP, «Aýyl» partııasy, «Aq jol» jáne Respublica — barlyǵy 7 partııadan 545 kandıdat tirkelgen.
