Qazaqstan halqy kóbine qaı salalarda jumys isteıdi
ASTANA. KAZINFORM — 2026 jyldyń II toqsanynda Qazaqstanda 9,4 mln adam jumyspen qamtylǵan. Ulttyq statıstıka bıýrosy halyqtyń basym bóligi eńbek etetin salalardy atady.
Halyqtyń jumyspen qamtylýyna júrgizilgen zertteý nátıjesine sáıkes, 2026 jyldyń II toqsanynda el ekonomıkasynyń túrli salalarynda 9,4 mln adam eńbek etken. Onyń 7,3 mıllıony — jaldamaly qyzmetker, taǵy 2,1 mıllıony — ózin-ózi jumyspen qamtyǵandar.
Jumyspen qamtylǵandardyń eń kóp úlesi myna salalarǵa tıesili:
• saýda — 16,8%;
• bilim berý — 13,3%;
• ónerkásip — 12,4%;
• aýyl sharýashylyǵy — 10,5%;
• kólik jáne qoıma qyzmeti — 7,1%;
• qurylys — 6,8%;
• densaýlyq saqtaý jáne áleýmettik qyzmet kórsetý — 6,6%.
2025 jyldyń II toqsanymen salystyrǵanda birqatar salada jumys isteıtinder sany artqan. Eń joǵary ósim jyljymaıtyn múlikpen baılanysty qyzmet salasynda baıqaldy. Munda jumyspen qamtylǵandar sany 37 myń adamǵa kóbeıgen. Bilim berý salasynda ósim 31,1 myń adamdy, densaýlyq saqtaý salasynda 21,2 myń adamdy qurady.
Sondaı-aq óner, oıyn-saýyq jáne demalys salasynda jumys isteıtinder sany 15,1 myń adamǵa artqan. Kásibı, ǵylymı jáne tehnıkalyq qyzmet salasynda — 7,7 myń, qarjy jáne saqtandyrý salasynda 7,4 myń adamǵa kóbeıdi.
Aıta óteıik, jyl basynan beri 250 myńǵa jýyq adam jumyspen qamtyldy.
