Qazaqstan halqy Assambleıasyn damytýdyń 2030 jylǵa deıingi tujyrymdamasy bekitildi
ASTANA. KAZINFORM — Tujyrymdama Qazaqstan halqy Assambleıasyn odan ári damytýdy kózdeıdi. Bul týraly Aqordanyń baspasóz qyzmeti.
— Memleket basshysynyń Jarlyǵymen Qazaqstan halqy Assambleıasyn damytýdyń 2030 jylǵa deıingi «Birligimiz — áralýandyqta» tujyrymdamasy bekitildi. Qujatta qoǵamdyq kelisim men jalpyulttyq birlikti qamtamasyz etý maqsatynda eldi uıystyrýǵa baǵyttalǵan jańa qaǵıdattar men tásilder qarastyrylǵan, — delingen habarlamada.
Aıta keteıik, Qazaqstan halqy Assambleıasynyń HHHІV sessııasynda Memleket basshysy Qasym-Jomart Toqaev Qazaqstan halqy Assambleıasynyń 30 jyldyǵy — egemendik tarıhyndaǵy aıtýly oqıǵa ekenin aıtty.
Budan buryn Prezıdent jer qoınaýyn paıdalaný kodeksine ózgerister engizý jónindegi qujatqa jáne «Tarıhı-mádenı mura obektilerin qorǵaý týraly» zańǵa qol qoıǵanyn jazǵanbyz.