Qazaqstan Halyqaralyq ekonomıka olımpıadasynda (IEO) úzdikter qataryna endi

ASTANA. KAZINFORM — 20–29 shilde aralyǵynda Baký qalasynda (Ázerbaıjan) ekonomıka, qarjy jáne kásipkerlikke qyzyǵýshylyq tanytatyn mektep oqýshylaryna arnalǵan álemdegi bedeldi International Economics Olympiad (IEO) zııatkerlik saıysy ótti. 

Bıyl olımpıadaǵa 55 elden 280-ge jýyq qatysýshy jınaldy. Qazaqstan quramasy úzdik nátıjemen álemniń eń myqty komandalarynyń qataryna endi, jáne bıznes-keıs boıynsha komandalyq kezeńde AQSh, Japonııa, Ulybrıtanııadan kelgen qatarlastaryn basyp ozyp, tamasha óner kórsetti.

Batyrhan Muhtarhan — Astana qalasyndaǵy NZM-niń 10-synyp oqýshysy;

Ádilet Abzalıev — Astana qalasyndaǵy NZM-niń 11-synyp oqýshysy;

Nurhan Týleev — Astana qalasyndaǵy NZM-11-synyp oqýshysy;

Tomırıs Ospan — Almaty qalasyndaǵy Shoqan Ýálıhanov atyndaǵy mekteptiń 11-synyp oqýshysy;

Qurmet gramotasy — Danıal Arystan, Astana qalasyndaǵy NZM-niń 11-synyp oqýshysy.

Komanda jetekshileri:
Rýslan Mýldashev — «Paradigm Shift» JShS-niń qarjy dırektory;
Aıgúl Qarqulova — «Daryn» respýblıkalyq ǵylymı-praktıkalyq ortalyǵy dırektorynyń orynbasary.

Anyqtama úshin: Halyqaralyq ekonomıka olımpıadasynyń (IEO) maqsaty — mektep oqýshylarynyń ekonomıkalyq jáne qarjylyq saýattylyǵyn, kásipkerlik daǵdylaryn damytý, sondaı-aq zamanaýı jahandyq ekonomıkanyń talaptaryna sáıkes kásibı baǵdar berý. Olımpıada aıasynda qatysýshylar jeke jáne komandalyq týrlarda kúrdeli analıtıkalyq tapsyrmalardy oryndaıdy, iskerlik oıyndarǵa qatysady, qarjylyq josparlaý men ekonomıkalyq modeldeý salasyndaǵy bilimderin kórsetedi. Qazaqstan bul bedeldi halyqaralyq jarysqa 2018 jyldan beri qatysyp keledi. Osy ýaqyt ishinde ulttyq qurama 2 altyn, 5 kúmis jáne 17 qola medal jeńip aldy. 

Aıta ketelik 245 mektep keshendi renovatsııadan ótip jatyr.