Qazaqstan halyqaralyq arenada kimdermen sottasyp jatyr
ASTANA. KAZINFORM – Ádilet vıtse-mınıstri Danıel Vaısov Qazaqstannyń quzyrly organdary halyqaralyq arenada qandaı uıymdarmen sottasyp jatqany týraly tolyqqandy málimet berdi.
- Qazirgi tańda Ádilet mınıstrliginiń qaramaǵynda 21 is bar. Onyń ishinde 13 is halyqaralyq tórelikte, - dedi vıtse-mınıstr Ortalyq kommýnıkatsııalar qyzmetinde ótken brıfıngide.
Ádilet mınıstrliginiń qosymsha málimetine súıensek, halyqaralyq tórelikte qaralyp jatqan isterdiń tizimi mynandaı:
- «Big Sky Energy Corporation»;
- «World Wide Minerals»;
- «Alhambra»;
- «Alhambra II»;
- «Victoria Oil&Gas»;
- «Gold Pool»;
- «E. Belavın Qazaqstanǵa qarsy»;
- «As Windoor»;
- «Qashaǵan boıynsha salyq daýy»;
- «Stati»;
- «Todini-3»;
- «Kólik mınıstrligi Avtomobıl joldary komıteti F&A Road Construction (Fermak) Qazaqstanǵa qarsy»;
- «Tıtan» Qazaqstanǵa qarsy».
Taǵy 6 is sheteldik sottarda qaralyp jatyr:
- «AQSh-taǵy azamattyq is (F.Sater)»;
- «Madima s.r.l.»;
- «E. Amırhanov Ulttyq qaýipsizdik komıtetine qarsy»;
- «L.Hrapýnova», «Rıal-Prom Grýp», «Aktau Petrol»).
Sondaı-aq 2 is sotqa deıingi talqylaýda jatyr.
- Bul 21 istiń ishinde 7 daý aıaqtalý satysynda tur nemese aıaqtalǵan, - dedi ol.
Vıtse-mınıstr osy sanattaǵy isterge jeke-jeke toqtaldy.
Aıtýynsha, 26 qyrkúıekte QR Elshiliginiń jáne eki ıtalııalyq kompanııalardyń («Madima s.r.l.» ) arasyndaǵy daýdy túpkilikti retteý týraly úshjaqty beıbit kelisimge qol qoıylǵan. Kelissózderdiń nátıjesinde bastapqy talap-aryzdyń somasyn shamamen 20% azaıtyp, bıýdjet qarjysy únemdegen.
Al maýsym aıynda Nıý-Iork qalasynyń Ońtústik okrýgindegi AQSh aýdandyq sotynyń alqabıleri Felıks Saterge, Bayrock Group, Inc, Global Habitat Solutions jáne MeM Energy Partners LLC qatysty barlyq úsh talap boıynsha (múlikti zańsyz ıemdený, negizsiz baıytý jáne aqsha qarajatyn alý týraly) Almaty qalasy ákimdiginiń (QR Ádilet mınıstrligi) jáne «BTA Bank» AQ paıdasyna úkim shyǵardy. Alqabıler 32 mıllıon dollardan astam shyǵyndy óteý úshin suralǵan somadan asatyn ótemaqy taǵaıyndaǵan.
28 tamyzda QR Kólik mınıstrligi Avtomobıl joldary komıteti men «F&A Road Construction» arasynda daýdy retteý týraly kelisim jasaldy.
Kelisimniń talabyna sáıkes «F&A Road Construction» 5,9 mlrd teńge mólsherinde avanstyq tólemdi qaıtarýǵa, sondaı-aq tórelik boıynsha Mınıstrlik shekken barlyq shyǵysty óteýge mindettengen.
Belgııa Halyqaralyq sottyń Izraıl premerin tutqyndaý sheshimin qoldaǵanyn jazǵan bolatynbyz.