Qazaqstan halyqaralyq arbıtraj daýlaryna shyǵyndardy azaıtty
ASTANA. KAZINFORM – QR Ádilet vıtse-mınıstri Dánıel Vaısov halyqaralyq arbıtrajdyq is júrgizýge jumsalatyn memlekettik shyǵyndar qysqartylǵanyn málim etti.
— Ádilet mınıstrligi jyl saıyn shyǵyndardy azaıtyp keledi. 2021 jyldan bastap biz shyǵyndardy úsh esege jýyq qysqarttyq. Jalpy alǵanda, Qazaqstan Respýblıkasy osy ister boıynsha jetekshi zańgerlik kompanııalardy jumyldyryp otyr. Sebebi qarsy ýáj aıtyp turǵan merdiger kompanııalar da jetekshi zańgerlik fırmalardy tartyp jatyr», - dedi Dánıel Vaısov Senatta tilshiler suraǵyna jaýap bere otyryp.
Vıtse-mınıstr halyqaralyq zańgerlik fırmalardaǵy qyzmetteriniń quny ósip kele jatqanyn atap ótti. Kóp jaǵdaıda el Nıý-Iorkten, sondaı-aq AQSh-tyń basqa da qalalarynan jáne Londonnan zańgerlerdi tartady.
Eske salsaq, Ádilet mınıstri Erlan Sársembaev halyqaralyq arbıtrajdyq talqylaýlarǵa qatysty túsinik berdi.