Qazaqstan halyqaralyq AI ekonomıkalar klýbyna qosyldy — Mınıstr
ASTANA. KAZINFORM — Qazaqstan Eýrazııanyń joǵary tehnologııalyq jəne iskerlik haby retindegi mərtebesin nyǵaıtyp keledi. Bul týraly Premer-mınıstrdiń orynbasary — jasandy ıntellekt jáne tsıfrlyq damý mınıstri Jaslan Mádıev baıandady.
Keshe Memleket basshysy Qasym-Jomart Toqaev Parlament palatalarynyń sońǵy birlesken otyrysynda Qazaqstandy Eýrazııanyń iskerlik habyna aınaldyrý mindetin aıtqan edi.
Mınıstrdiń aıtýynsha, Alem.ai tehnologııalyq dıplomatııanyń negizgi alańdarynyń birine aınaldy. Ortalyqqa 40-tan astam resmı delegatsııa, memleket basshylary jəne jetekshi halyqaralyq kompanııalardyń basshylary kelgen.
— Qazaqstan sondaı-aq BUU júıesinde halyqaralyq moıyndaýǵa ıe boldy. Bıyl səýir aıynda Bangkok qalasynda ótken BUU ESKATO-nyń 82-sessııasynda tarıhı qarar qabyldandy. Soǵan səıkes Almaty qalasynda Tsıfrlyq sheshimder ortalyǵy qurylady, — dedi Jaslan Mádıev Úkimettiń búgingi otyrysynda.
Jeke baǵyttardyń biri — Alatau City. Bul — perspektıvaly tehnologııalardy engizýge arnalǵan synaq alańyna aınalatyn jańa býyndaǵy ınnovatsııalyq qala. Osy maqsatta arnaıy quqyqtyq rejım qabyldandy.
— Qazaqstan AQSh-tyń Pax Silica jəne AI Opportunity Partnership bastamalaryna qosylyp, AI ekonomıkalar klýbyna endi. Bul Qazaqstanǵa jartylaı ótkizgishter, chıpter, batareıalar jəne asa mańyzdy mıneraldardy óńdeý salalaryndaǵy qosylǵan qunnyń jahandyq tizbegine kirigýge múmkindik beredi. ıAǵnı, shıkizat eksportynan joǵary qosylǵan quny bar ónimderge kóshýge jol ashady, — dedi JI mınıstri.
Aıta keteıik, búgin jańa Konstıtýtsııa kúshine endi. Jalpyhalyqtyq referendým nátıjesinde qabyldanǵan tarıhı qujat memlekettik basqarý júıesin, qoǵamnyń damý baǵytyn túbegeıli ózgertpek.
Prezıdent qazaqstandyqtardy Jańa Konstıtýtsııanyń kúshine enýimen quttyqtady.
Sondaı-aq Premer-mınıstr Oljas Bektenov barlyq memlekettik jáne qoǵamdyq ınstıtýtty túbegeıli jańǵyrtý bastalǵanyn aıtqan edi.
