Qazaqstan Halyq Keńesinde azamattyq qatysý men qoǵamdyq baqylaýdy damytý jónindegi bastamalar talqylandy

ASTANA. KAZINFORM — Qazaqstan Halyq Keńesi janyndaǵy Qoǵamdyq bastamalardy damytý komıtetiniń Azamattyq qatysý jáne volonterlik máseleleri jónindegi komıssııasynyń otyrysy ótti.

keńesi
Foto: Halyq keńesi

Otyrysqa qatysýshylar Komıssııa músheleriniń azamattyq qoǵamdy damytýǵa, qoǵamdyq baqylaý tetikterin jetildirýge, qoǵamdyq birlestikterdi qoldaýǵa, azamattardyń quqyqtaryn qorǵaýǵa, sondaı-aq balalar men jastardyń qoǵamdyq ómirge qatysý múmkindikterin keńeıtýge baǵyttalǵan usynystaryn qarady.

Komıssııanyń qaraýyna qoǵamdyq jáne áleýmettik ómirdiń túrli baǵyttaryn qamtıtyn barlyǵy 51 bastama men usynys kelip tústi. Olardyń qatarynda zańnamalyq bastamalar, memlekettik jáne qoǵamdyq ınstıtýttardyń qyzmetin jetildirý jónindegi usynystar, sondaı-aq naqty áleýmettik jobalar bar.

Halyq keńesi
Foto: Halyq keńesi

Qoǵamdyq baqylaýdyń tıimdiligin arttyrý máselelerine erekshe nazar aýdaryldy. Altynaı Kóbeeva qoǵamdyq uıymdar men memlekettik organdar arasyndaǵy ózara is-qımyl tetikterin jetildirýge baǵyttalǵan usynystar keshenin tanystyrdy. Atap aıtqanda, qoǵamdyq usynymdar men olardy qaraý nátıjeleriniń jarııa esebin júrgizý júıesin engizý, memlekettik organdardyń keri baılanys usyný jaýapkershiligin kúsheıtý, sondaı-aq qoǵamdyq baqylaýdy júzege asyratyn uıymdardy qoldaý sharalaryn qarastyrý usynyldy.

Nurjan Jaqýpov táýeldilikten zardap shegetin adamdarǵa kómek kórsetetin jeke ońaltý ortalyqtarynyń qyzmetin quqyqtyq retteýdi jetildirý máselesin kóterdi. Mundaı uıymdardyń qyzmetine, mamandardyń biliktiligine jáne kórsetiletin qyzmetterdiń sapasyna biryńǵaı talaptar belgileý, sondaı-aq kómek alýshylardyń quqyqtaryn qorǵaýdy kúsheıtý usynyldy.

Halyq keńesi
Foto: Halyq keńesi

Áleýmettik qoldaý salasynda Gaýhar Akıjanova keshendi qoldaýdy qajet etetin balalardy vedomstvoaralyq súıemeldeýdiń biryńǵaı júıesin qurý jónindegi bastamasyn aıtty. Bul usynys densaýlyq saqtaý, bilim berý jáne áleýmettik qorǵaý uıymdarynyń ózara úılesimdi jumysyn qamtamasyz etýge baǵyttalǵan. Nátıjesinde balalar men olardyń otbasylary qajetti kómekti ýaqytyly ala alady.

Sonymen qatar Aqnur Turdalıeva balalar qoǵamdyq uıymdarynyń quqyqtyq mártebesin jetildirý jónindegi usynysyn tanystyrdy. Bastama balalar birlestikterin damytý, olardyń bilim berý uıymdarymen jáne memlekettik organdarmen ózara is-qımylyn keńeıtý úshin zańnamalyq jaǵdaılar jasaýǵa baǵyttalǵan.

Halyq keńesi
Foto: Halyq keńesi

Otyrys barysynda volonterlikti damytý, jastardyń qoǵamdyq ómirge qatysýyn keńeıtý, «Taza Qazaqstan» qaǵıdattary men ekologııalyq bastamalardy ilgeriletý, sondaı-aq azamattyq qoǵam men memleket arasyndaǵy ózara is-qımyl tetikterin jetildirý máseleleri de talqylandy.

Bapı
Foto: Halyq keńesi

Atap aıtqanda, komıssııa músheleri úkimettik emes uıymdardyń qyzmetiniń quqyqtyq jáne uıymdastyrýshylyq negizderin jetildirýge, olardyń ınstıtýtsıonaldyq áleýetin nyǵaıtýǵa jáne azamattyq qoǵamnyń qoǵamdyq protsesterge qatysýyn keńeıtýge baǵyttalǵan «Úkimettik emes uıymdar týraly» zań jobasyn talqylady.

Halyq keńesi
Foto: Halyq keńesi

Otyrys qorytyndysy boıynsha Komıssııa músheleriniń usynystary jınaqtalyp, Qazaqstan Halyq Keńesiniń Qoǵamdyq bastamalardy damytý komıteti aıasynda odan ári saraptamalyq pysyqtaýǵa joldanady.

Halyq keńesi
Foto: Halyq keńesi