Qazaqstan Halyq banki tarıfterin ózgertpek

ASTANA. KAZINFORM – «Qazaqstan Halyq banki» AQ 4 shildeden bastap bıznes klınetteri úshin jańa tarıf engizedi.

Bank baspasóz qyzmetiniń málimetinshe, «Klıent esepshoty: ashý, júrgizý jáne jabý» jáne «Teńgemen aýdarym operatsııalary» bólimderi ózgeriske ushyraıdy. Endigi ýaqytta qaǵaz kúıindegi tólem qujattaryn óńdeý buryn 1 myń teńge bolsa, endi 5 myń teńgege qymbattaıdy.

Dál osy operatsııa APS-mór/Qprint qoldanǵan kezde ár qujat úshin 4 esege, 2 myń teńgege deıin qymbatqa túsetin bolady.

«Tarıfterdiń kóterilýi – bul klıentterdi barynsha ekologııalyq ári qolaıly tsıfrlyq servıske kóshýge yntalandyrý. Bul ózgerister qaǵaz aǵymyn tómendetýge jáne nátıjesinde banktiń ekologııalyq izin qysqartýǵa baǵyttalǵan. Halyk Bank tsıfrlandyrý ekologııalyq jaýapkershilik dáýirinde ESG ustanymdparyn qoldaýǵa batyl sheshim qabyldaıdy. Energetıkalyq shyǵaryndylar men qaǵazdyq qoldanýdy qysqartý tabıǵatqa degen qamqarlyqty ǵana kórsetip qoımaı, sonymen birge banktiń tsırflyq qyzmet kórsetýge kóshý jónindegi barynsha keń aýqymdy strategııasynyń bóligi sanalady», - dep atap ótedi bank baspasóz qyzmetinen.

Sonymen qatar banktiń atap ótýinshe, atalǵan qyzmet onlaın-formatta qoljetimdi jáne tarıftiń kóterilýiniń olarǵa qatysy joq. Demek, klıentter atalǵan qyzmetterdi úıden nemese keńseden shyqpaı-aq eski tarıfpen jyldam, yńǵaıly túrde ala alady.