Qazaqstan halal týrızmdi damytý boıynsha 113 memleketti artta qaldyrdy
Global Muslim Travel Index tiziminde jalpy 130 memleket bar. Reıtıngte memleketterdiń musylmandar úshin otbasylyq demalys jaılylyǵy, qaýipsizdik, qyzmet pen servıstiń sapasy, halal ónimderdiń qoljetimdiligi, týrısterdi jaıǵastyrý jáne marketıngtik baǵdarlamalar salystyrylǵan bolatyn.
Qazaqstan reıtıngte Taıland, Japonııa, Frantsııa, AQSh, Qytaı jáne Belgııa elderin ozyp ketti.
TMD elderi arasynda bizdiń memleket birinshi orynǵa jaıǵasqan. Ázerbaıjan - 24-inshi, Qyrǵyzstan - 25, Tájikstan - 26, Ózbekstan - 30, Reseı - 44, Grýzııa - 59-oryndarǵa ornalassa, Ýkraına 116-orynǵa qoıylyp otyr.
Global Muslim Travel Index reıtıngisinde úshinshi jyl qatarynan Malaızııa kósh bastady. Islam týrızminiń úzdik bes memleketi qataryna BAÁ, Indonezııa, Túrkııa, Saýd Arabııasy endi.
Boljam boıynsha, 2020 jylǵa qaraı musylman týrızmi naryǵy 156 mln. saıahattaýshyǵa jáne 220 mlrd. dollarǵa jetedi.
