Qazaqstan HAQQ quryltaıshy memleketteri basshylarynyń sammıti kommıýnıkesin qoldaıdy

TÚRІKMENBAShY. QazAqparat -  Qazaqstan Halyqaralyq Araldy qutqarý qorynyń quryltaıshy memleketteri basshylarynyń sammıti kommıýnıkesin qoldaıdy. Bul týraly búgin atalǵan uıymnyń quryltaıshy memleketteri basshylarynyń sammıtiniń keńeıtilgen quramdaǵy otyrysynda Elbasy Nursultan Nazarbaev aıtty, dep habarlaıdy QazAqparat tilshisi.

Tolyqtaı alǵanda búgingi kezdesýdiń halyqaralyq aýqymdaǵy ataýly oqıǵa sanalatyndyǵy sózsiz. Ol sý men ekologııa máselelerinde óńirlik kooperatsııa protsesine jańa serpin berýge baǵyttalǵan. Biz osy jerde jańa basymdyqtar men mindetterdi aıqyndadyq. Bul máselelerdi sheshý Ortalyq Azııanyń turaqty damýy men gúldenýin qamtamasyz etý úshin túbegeıli mańyzdy mánge ıe. Olardy biz qysqa ǵana ýaqyttyń ishinde júzege asyra almaıtyndyǵymyz túsinikti. Sondyqtan munyń barlyǵy da bizden birlesken is-qımyldy odan ary úılestirýdi talap etedi», - dedi Nursultan Nazarbaev.

Sonymen qatar Memleket basshysy óńirlik yntymaqtastyq máselesinde Qazaqstan tabandy ári senimdi seriktes bolyp qala beretindigine sendirdi.

«Biz búgin qabyldanǵan sammıt kommıýnıkesin qoldaımyz. Onda Aral teńizi basseındegi daǵdarys saldaryn eńserýge degen bizdiń ortaq umtylysymyz kórinis tapqan», - dedi Elbasy.