Qazaqstan ǵylymdy qarjylandyrýdyń basymdyqtaryn ózgertýi kerek - QR Prezıdenti

ASTANA. QazAqparat - Qazaqstan ǵylymdy kommertsııalandyrý isin údetip, ǵylymı jobalardy qarjylandyrýdyń basymdyqtaryn ózgertýi kerek. Bul týraly búgin elordadaǵy Táýelsizdik saraıynda ótip jatqan «Qazaqstandy jańa ındýstrııalandyrý. 2015 jyl qorytyndysy» atty jalpyulttyq telekópirdi qorytyndylaǵan Elbasy Nursultan Nazarbaev aıtty.

«Indýstrııalandyrýdyń ınnovatsııalyq quramyn - otandyq ǵylymdy damytý baǵytyn ındýstrııany kúsheıtýge jumsaý kerek. Ǵylymı zertteýlerdi qarjylandyrýdyń ádis-tásilderi men basymdyqtaryn ózgertýimiz kerek», -dedi Memleket basshysy.

Prezıdent atap ótkendeı, Qazaqstan ǵylymı jobalardy kommertsııalandyrý baǵytynda kóshten qalyp keledi.

«Ǵylymı jobalardy kommertsııalandyrýdy údetý kerek, sebebi, osy sala bizde aqsap keledi. Úkimet pen joǵarǵy oqý oryndary, bıznes kompanııalary osyǵan nazar aýdarýy kerek. Ónimdilik pen sapany ǵylymsyz damytýǵa bolmaıdy. ıAǵnı, bul ǵylymdy damytpasaq, eksportqa da shyǵa almaımyz degen sóz», - dedi N.Nazarbaev.