Qazaqstan-Grýzııa matchyna jankúıerlerdi jetkizý úshin avtobýstar shyǵarylady
ASTANA. QazAqparat - Astanada ótetin Qazaqstan-Grýzııa fýtbol quramalarynyń oıynyna jankúıerlerdi jetkizý úshin qoǵamdyq avtobýstar uıymdastyrylady, dep habarlaıdy QazAqparat qala ákimdigine silteme jasap.
«Astana LRT»-nyń málimetinshe, shattl-avtobýstarda jol júrý quny elektrondy kartamen - 90 teńge, qolma-qol aqshamen 180 teńge bolady.
Avtobýstardyń jóneltilý ýaqyty 18:00-den 19:00-ge deıin. Adamdardyń jınalý orny: «Qazaqstan» SK turaǵy; «Nur Astana» meshitiniń turaǵy; «Astanalyq tsırk» kólik turaǵy.
Eske sala ketsek, 6 qyrkúıek kúni «Astana-Arena» stadıonynda saǵat 20:00-de Qazaqstan men Grýzııa komandalary kezdesedi. Oıynda Qazaqstan men Qazsport telearnalary tikeleı efırden kórsetedi. Bıletter baǵasy 500 teńdegen bastalady.
Ulttyq quramanyń bas bapkeri Stanımır Stoılov keshe ótken baspasóz máslıhatynda fýtbolshylarymyz alańǵa jeńis úshin shyǵatynyn aıtqan edi.
«Biz topty birinshi orynmen aıaqtaýǵa tıispiz. Erteń oıynnyń basynan aıaǵyna deıin uıymdasqan fýtbol kórsetýge áreket jasaımyz. Komandam kez kelgen taktıkaǵa qarsy oınaı alady. Iá, biz - jalpy týrnırde aýtsaıdermiz, biraq shákirtterimniń deńgeıi reıtıngtegi qazirgi orynnan áldeqaıda joǵary», - deıdi bapker.
Aıta keteıik, Ulttar lıgasy - ÝEFA-nyń jańa týrnıri. Ol Eýropa qurama komandalarynyń joldastyq kezdesýleriniń ornyna uıymdastyrylyp otyr.
