Qazaqstan-Grekııa bıznes forýmy ótedi
ASTANA. QazAqparat - 2018 jylǵy 5 aqpanynda Astanada resmı tulǵalar men ekijaqty iskerlik toptardyń qatysýymen qazaqstandyq-grekııalyq bıznes-forým ótedi, dep habarlaıdy QazAqparat Qazaqstan Respýblıkasynyń Afınadaǵy Elshiligine silteme jasap.
«Astanadaǵy «Rıksos» qonaqúıinde ótetin is-sharanyń basty maqsaty Qazaqstan men Grekııa iskerlik toptarynyń saýda-ekonomıkalyq yntymaqtastyǵyn nyǵaıtý bolyp tabylady. Forým aıasynda qurylys materıaldary men mashına qurastyrý, farmatsevtıka, azyq-túlik óndirisi, energetıka, smart-qalalardy damytý jáne taǵy basqa da salalarda qyzmet etetin iri grekııalyq kompanııalar ókilderimen «V2V» formatynda iskerlik kezdesýler ótkizý josparlanǵan», - delingen baspasóz baıanynda.
Forýmǵa qatysatyn grekııalyq kompanııa basshylary 2018 jyldyń 7 aqpanyna deıin Astanada «Rıtts-Karlton» qonaqúıinde iskerlik kezdesýler ótkizýdi josparlap otyr.
