Qazaqstan grek-rım kúresinen jastar arasyndaǵy Azııa chempıonatynda eki altyn medal jeńip aldy
ASTANA. KAZINFORM — Vetnamnyń Danang qalasynda kúres túrlerinen jastar arasyndaǵy Azııa chempıonaty bastaldy. Bul týraly UOK habarlady.
Alǵash bolyp bozkilemge grek-rım kúresiniń sheberleri shyqty. Qazaqstan quramasy eki altyn, úsh kúmis jáne bir qola medal jeńip aldy.
Aıbek Aıtbekov (60 kelige deıin) jáne Islam Evloev (97 kelige deıin) altynnan alqa taqty.
Ibrahım Nurmuhammed (72 kelige deıin), Álıhan Dýrsýnov (77 kelige deıin), Djohar Ýzarov (130 kelige deıin) kúmis medal enshiledi.
Al Kırıll Mınko (82 kelige deıingi) qola medalǵa ıe boldy.
Aıta keteıik, jastar arasyndaǵy Azııa chempıonaty 1 maýsymǵa deıin jalǵasady.
Eske salsaq Emıl Ahmedjanov Tashkenttegi Challenge Cup kezeńinde altyn medal jeńip alǵan edi.
