Qazaqstan grek-rım kúresinen jastar arasyndaǵy Azııa chempıonatynda 6 medal aldy

ASTANA. KAZINFORM – Výngtaýda (Vetnam) kúres túrlerinen jastar arasyndaǵy Azııa birinshiligi ótip jatyr. 

Týrnırdiń birinshi kúninde otandastarymyz alty júldeni el qorjynyna saldy. Onyń úsheýi – altyn medal.

Atap aıtqanda, Azııa birinshiliginde Ishar Qurbaev (60 kelige deıin), Baǵdat Sabaz (67 kelige deıin), Aqjan Yqylasov (77 kelige deıin) top jaryp, halyqaralyq dodada el mereıin asqaqtatty. 

Al ıÝsýf Matsıev (97 kelige deıin) pen Djohar Ýzarov (130 kelige deıin) kúmis júldege qol jetkizse, Dıas Qaltaı (82 kelige deıin) qola júldeni qanaǵat tutty. 

Eske salsaq, buǵan deıin grek-rım kúresinen Azııa chempıonatynda qazaqstandyq jastar 3 altyn enshilegenin jazǵan edik.