Qazaqstan grek-rım kúresinen U20 Azııa chempıonatynda eki kúmis medal jeńip aldy
ASTANA. KAZINFORM — Taılandtyń Pattaııa qalasynda kúres túrlerinen U20 jas sanatyndaǵy Azııa chempıonaty bastaldy, dep habarlaıdy UOK baspasóz qyzmeti.
Alǵash bolyp jarys jolyna grek-rım kúresinen bes otandasymyz shyqty. Nátıjesinde qazaqstandyq balýandar eki kúmis, bir qola medal jeńip aldy.
77 kelige deıingi salmaqta Baqdáýlet Tursynbek aqtyq synda ózbekstandyq Ogabek Askaralıevke jol berdi.
87 kelige deıingi salmaqta Álıhan Taǵaev fınalda qyrǵyzstandyq Mýslım Mamyrovtan jeńilip qaldy.
Al 55 kelige deıingi salmaqta Ámirmuhammed Kabýlov qola júlde úshin ótken beldesýde Qyrǵyzstan ókili Kýrmanbek Alımjanovtan basym tústi.
Budan buryn otandyq sportshylar Qazaqstan grek-rım kúresinen jastar arasyndaǵy Azııa chempıonatynda eki altyn medal enshilegenin jazǵanbyz.
