Qazaqstan grek-rım, erkin jáne áıelder kúresi federatsııasy Azııanyń eń úzdik federatsııasy atandy

UWW Asia (Azııa kúres federatsııasy) onlaın daýys berý arqyly 2023 jyldyń eń úzdik ulttyq federatsııasyn anyqtady, dep habarlaıdy Kazinform.

Qazaqstan kúres federatsııasynyń baspasóz qyzmeti taratqan málimetke sáıkes, UWW Asia atqarý komıteti músheleriniń eki kezeń boıynsha daýys berýimen QR Grek-rım, erkin jáne áıelder kúresi federatsııasy Azııanyń «úzdik ulttyq kúres federatsııasy» dep tanyldy.

Málim bolǵandaı, ulttyq federatsııany anyqtaý kezinde kúresten eresekter arasynda Azııa chempıonatynyń Qazaqstanda ótýi mańyzdy ról atqardy.

Aıta keteıik, ol jarysta qazaqstandyq balýandar 7 altyn medalǵa ıe bolǵan.