Qazaqstan GPS jáne GLONASS júıesin paıdalanýshylardyń navıgatsııalyq apparattaryn shyǵarýdy bastady
ASTANA. 8 mamyr. QazAqparat - Qazaqstanda kólik quraldaryna qoldanylatyn GPS jáne GLONASS júıesi úshin paıdalanýshylardyń navıgatsııalyq apparatýrasyn (PNA) shyǵarýdy bastady. Bul týraly Qazaqstan Respýblıkasynyń Ulttyq ǵarysh agenttiginiń tóraǵasy Talǵat Musabaev málim etti, dep habarlaıdy Rrimeminister.kz.
«Biz endi PNA dep atalatyn paıdalanýshy apparatýrasyn jasaýdy bastadyq, ol kólik quraldaryna kez-kelgen ýaqytta onyń ornalasqan jerin anyqtaý úshin ornalastyrylady. Onda dúnıe júzine belgili GPS jáne GLONASS jahandyq navıgatsııalyq júıesi paıdalanylady, keleshekte Galıleo, ol Eýropada jasalýda. Júıelerdiń biri isten shyqqan jaǵdaıda ekinshi balamasyn paıdalaný múmkindigi bolady», - dedi T.Musabaev.
Qazǵarysh málimeti boıynsha atalǵan apparattardy «Ulttyq ǵaryshtyq zertteýler men tehnologııalar ortalyǵy» AQ jáne «QazaqstanǴaryshSapary» ulttyq kompanııasy» AQ qurýda. PNA jumystarynda shamamen 60 doktor jáne kandıdat tartylǵan.
Aıta ketý kerek, PNA qurý respýblıkada qalyptastyrylatyn navıgatsııalyq ınfraqurylym júıesine enedi. PNA-lardan bólek dıfferentsıaldy stantsııalar bazasynda óńirlik navıgatsııalyq júıe qurylýda.
«Búginde 10 dıfferentsıaldy stantsııa, óńirlik ortalyq jáne mobıldik dıfferentsıaldyq stantsııa quramynda óńirlik dıfferentsıaldy júıe paıdalanýǵa berilgen. Tájirıbelik-qurastyrý jumystary sheńberinde dıfferentsıaldyq stantsııanyń otandyq nusqasy jáne onyń arnaıy baǵdarlamalyq qamtamasyz etýi jasalǵan. Teńizdik jergilikti dıfferentsıaldyq stantsııany, Dıfferentsıaldyq túzetý jáne baqylaý ortalyǵyn, dıfferentsıaldyq stantsııalar júıesin qurý jumystary júrgizilýde», - dep málimdedi agenttik basshysy.
Sonymen birge, baǵdarlamalyq matematıkalyq qamtamasyz etýdi otandyq mamandar oryndaıdy, al atalǵan baǵdarlama boıynsha qazaqstandyq qamtý shamamen 50%-dy quraıdy.
Aǵymdaǵy jyly taǵy da 50 dııferentsııaldy stantsııa paıdalanýǵa berilgen, olar respýblıkalyq dıfferentsıaldyq júıeni birjola qalyptastyrýǵa jetkilikti bolady.
Óz aldyna naqtylyǵy joǵary spýtnıktik navıgatsııa júıesin jáne dıfferentsıaldyq stantsııalardy qurýmen «Ulttyq ǵaryshtyq zertteýler men tehnologııalar ortalyǵy» AQ aınalysady, onyń quramynda «Ǵaryshtyq zertteýler ınstıtýty», «Ionosfera ınstıtýty», «V.G. Fesenkov atyndaǵy astrofızıkalyq ınstıtýt» jáne «Ǵaryshtyq tehnıka jáne tehnologııalar ınstıtýty» bar.
Ulttyq agenttik ókili atalǵan jobalardy iske asyrý respýblıka aýmaǵynda jahandyq navıgatsııalyq spýtnıktik júıelerdiń aqparattaryn paıdalanýshylarǵa kepildengen jáne sapaly koordınattyq-ýaqyttyq, sondaı-aq navıgatsııalyq qyzmetter usynýǵa bolatynyn atap ótti.
