Qazaqstan GMP halyqaralyq sapa standartyna kóshý jaǵynan Reseıden alda kele jatyr - «Hımfarm» AQ bas dırektory
ALMATY. 4 sáýir. QazAqparat - Qazaqstan halyq densaýlyǵynyń qaýipsizdigin qorǵaýda álemniń eń ozyq tájirıbelerin engizýde.
Bul týraly «Hımfarm» AQ-nyń bas dırektory Vlodzımırz Grygleıch keshe Almatyda GMP halyqaralyq sapa standarty týraly buqaralyq aqparat quraldary ókilderine arnalǵan aqparattyq-bilim berý semınarynda aıtty.
Qazaqstan buǵan deıin dári-dármek óndirýshilerge 2014 jyly farmatsevtıka salasynda tolyqtaı GMP halyqaralyq sapa standartynakóshýdi mindettegen bolatyn. V.Grygleıchtiń aıtýynsha, Qazaqstan medıtsınalyq qaýipsizdik talaptaryn qataıtý jaǵynan Reseıden, tipti keıbir Eýropa elderinen de alda kele jatyr. Birqatar óndirýshiler úshin bul qolaısyz bolǵanymen, mundaı sharalar eń aldymen adam densaýlyǵyn qorǵaýǵa baǵyttalǵandyqtan ony quptaýǵa bolady.
«Shymkent qalasyndaǵy bizdiń zaýytymyz buǵan deıin 2 GMP standartynaıe bolǵan edi. Qazirúshinshisin alý úshin arnaıy komıssııa jumys jasaýda. Jalpy óndiris orny oǵan 2014 jylǵa deıin tolyqtaı kóshetin bolady», - deıdi Vlodzımırz Gryglevıch. Onyń sózine qaraǵanda, Halyqaralyq sapany basqarý standarttary ámbebap jáne ony ıelený mindetti emes. Al, GMP halyqaralyq sapa standarty farmatsevtıkalyq salaǵa arnalǵan jáne ol engizý barlyq óndirisshi úshin mindetti standart bolyp sanalady. Sondyqtan AQSh-ta Halyqaralyq sapany basqarý standarttary asa tanymal emes. Óıtkeni ony satyp alýǵa bolady. Al, GMP standartynda ónim talapqa sáıkes kelmese óndiris orny óz jumysyn toqtatýǵa májbúr bolady.
