Qazaqstan gımnastary Azııa chempıonatynda qalaı óner kórsetti
ASTANA.KAZINFORM - Qytaıdyń Tszýnı qalasynda sporttyq gımnastıkadan 2026 jylǵy Azııa chempıonaty aıaqtaldy.
Qazaqstan quramasy eń úzdik nátıjesin komandalyq kópsaıysta kórsetti. Qazaqstandyq gımnastar tórtinshi oryn alyp, júldeden bir qadam ǵana qalyp qoıdy.
Dmıtrıı Patanın men Dııas Toıshybek jekelegen jattyǵýlar boıynsha fınalǵa joldama aldy.
QR UOK málimetinshe, Toıshybek kermedegi jattyǵýlarda jetinshi orynǵa turaqtasa, Patanın erkin jattyǵýlar baǵdarlamasynda segizinshi nátıje kórsetti.
Aıta keteıik, Tszýnıdegi qurlyq birinshiliginde Qazaqstan quramasynyń kóshbasshylarynyń biri Mılad Karımı óner kórsetken joq. Gımnast Azııa chempıonatyna daıyndyqtyń sońǵy kezeńinde jaraqat alyp, qazir qalpyna kelý kýrsynan ótip jatyr.
Aıta keteıik, Astanadaǵy Jaqsylyq Úshkempirov atyndaǵy jekpe-jek saraıynda taekvondodan Altaı Odaǵy chempıonatynyń shymyldyǵy túrildi.
