Qazaqstan gımnasshylary Gýanchjoýda ótip jatqan Azııa oıyndarynda qola júldege ıe boldy
JІŃ- GÝANChJOÝ. 18 qarasha. QazAqparat /Rýslan Súleımenov/ - Qazaqstan gımnasshylary Qytaıdyń Gýanchjoý qalasynda ótip jatqan Azııa oıyndarynda qola júldege ıe boldy.
Eldar Valeev bórenedegi jattyǵý boıynsha qytaılyq sportshy Fen Chje jáne Ózbekstan sportshysy Anton Fokınnen keıin úshinshi orynǵa shyqty.
Stanıslav Valıev tirep sekirý boıynsha qola medalǵa ıe boldy. Qazaqstan sportshysy Koreıa men Qytaı elderiniń ókilderinen ǵana jeńilip qaldy.
Sonymen Qazaqstan quramasy 19 júldege, sonyń ishinde eki altyn, alty kúmis jáne on bir qola júldege ıe bolyp otyr. 172 medal, sonyń ishinde 97 altyn medal jeńip alǵan Qytaı quramasy úlken aıyrmashylyqpen alda keledi. Ońtústik Koreıa (82-29) jáne Japonııa (93-17) elderi sáıkesinshe ekinshi jáne úshinshi orynda tur.
