Qazaqstan Germanııaǵa munaı eksportyn jylyna 1,2 mln tonnaǵa jetkizýdi josparlap otyr
Onyń aıtýynsha, energetıka sektory dástúrli túrde Qazaqstannyń Eýropalyq Odaqpen ózara is-qımylyndaǵy negizgi baǵyttardyń biri bolyp otyr.
«Biz energııa resýrstaryn tasymaldaý baǵyttaryn ártaraptandyrý boıynsha maqsatty jumys júrgizip jatyrmyz. Qazirgi ýaqytta Qazaqstan munaıynyń Eýropaǵa eksportynyń 80%-y Kaspıı qubyr konsortsıýmy arqyly júrgiziledi. Ortaq múddelerge súıene otyryp, biz osy strategııalyq mańyzdy munaı qubyry arqyly uzaq merzimdi jáne turaqty jetkizilimderdi qamtamasyz etý úshin EO tarapynan ári qaraı da qoldaý kútemiz», - dedi Prezıdent «Ortalyq Azııa – Eýropalyq Odaq» basshylarynyń ekinshi kezdesýinde.
Prezıdent ázerbaıjandyq seriktestermen tyǵyz yntymaqtastyqta Transkaspıı baǵytyn da damytyp jatqanyn eske saldy.
Mysaly, bıylǵy qańtar aıynan bastap «Aqtaý – Baký – Tbılısı – Djeıhan» baǵyty boıynsha jylyna 1,5 mıllıon tonna qazaqstandyq munaı jiberý bastaldy.
«Orta merzimdi perspektıvada «Aqtaý – Batýmı» baǵyty boıynsha munaı eksportyn keńeıtýdi, sondaı-aq, Transkaspıı baǵytynyń qubyrlary arqyly aıdaý kólemin ulǵaıtýdy josparlap otyrmyz. Oǵan qosa, Qazaqstan Germanııaǵa «Drýjba» qubyry arqyly munaı jetkizýdi bastady. Jyl basynan beri 90 myń tonna kóleminde jetkizilim boldy. Bul kórsetkishti keleshekte ulǵaıtyp, jylyna 1,2 mıllıon tonnaǵa deıin jetkizý áleýeti bar», - dedi Qasym-Jomart Toqaev.
