Qazaqstan Germanııaǵa Indýstrııa 4.0 tehnologııalaryn synaqtan ótkizý alańyn usyndy
ASTANA. KAZINFORM — Memleket basshysy yntymaqtastyqty jańa deńgeıge shyǵaratyn keleshegi zor jasandy ıntellekt salasyna basa nazar aýdardy. Bul týraly Aqordanyń baspasóz qyzmeti habarlady.
– AI-Sana baǵdarlamasy aıasynda 700 myń stýdent jasandy ıntellekt salasy boıynsha sertıfıkattalǵan mashyqqa ıe boldy. Biz alem.cloud sýperkompıýter klasterin ornattyq. Jasandy ıntellekt salasynda arnaýly zertteý ýnıversıtetin ashtyq. Óńirde alǵashqylardyń biri bolyp, jasandy ıntellekt týraly zań qabyldadyq. Buǵan qosa sýperkompıýter tehnologııasyn damytýdy qolǵa aldyq. Bul nemistiń ǵylymı mekemelerimen jáne óndiris oryndarymen yntymaqtastyqqa jol ashady. Tehnologııaǵa áýes jastarymyz nemis kompanııalary men zertteýshilerine senimdi seriktes bola alady. Qazaqstan qoldanbaly tsıfrlyq sheshimder men Indýstrııa 4.0 tehnologııasyn synaqtan ótkizetin alań usynady, – dedi Qasym-Jomart Toqaev.
Prezıdent qazaq pen nemis halyqtarynyń arasyndaǵy aqyl-oı ıeleriniń tarıhı tamyrlastyǵyna toqtaldy. Qazaqtyń uly aqyny, oıshyl Abaı Qunanbaıuly Iogann Volfgang fon Geteniń óleńin «Qarańǵy túnde taý qalǵyp» dep qazaq tiline sátti aýdarǵanyn eske saldy. Memleket basshysy osy rýhanı úndestik qos halyqtyń zııatkerlik baılanysyna negiz bolǵanyn aıtty. Qasym-Jomart Toqaev sózin qoryta kele, Germanııa men Qazaqstannyń jetekshi ýnıversıtetteri men ǵylymı ınstıtýttarynyń basshylaryn jańa jobalardy birlese atqarýǵa shaqyrdy.
Aıta ketelik Qazaqstan men Germanııa qos dıplomdy baǵdarlamalardy keńeıtedi.
